Mönsche, gschyder als all Affe
schaffe raffinierti Waffe
bringe sich dermit gärn um -
vilicht si Affe nid so tumm
Uf de Böim tüe si desumehocke
ihri Waffe das si d Affe-Pocke
Es isch üs allne klar: Bim Strom u’m Gas längt’s nid
Me gseht im nöie Jahr drum jitz e klare Unterschid:
We d Lüt toll heize, we si Beder näme
De tüe si sech am Schluss no ganz fescht schäme
Wül bim persönleche Verzicht
Zeigt jede halt sys wahre Gsicht
Dragqueens stelle doch ke Gfahr für alli üsi Chinder dar, Hingäge wüsse d’ Österricher, anders ischs bim Friheitstrychler.
Als Bruef git är a, Stripper ire Bar, Das isch leider einfach nid wahr, Er lügt, denn är isch unglücklecherwys Top-Manager bir Credit Suisse