2017

Bir Vereidigung vom Trampu hets chum Lüt gha – hesch das gseh –,
doch bim Amtsenthebigsverfahre, dert chöme de sicher meh. 
Im Wisse Hus, ä heissi Nacht. Melania meint: «Das war sehr scheen.»
U Donald meint: «O honey, make my Trump ­Tower great again.»

Hür ar Fasnacht fahri mitem Chare bsoffe hei, i tue das scheze,
ja wüll Tschugger hetsja keini ume, di hei ds tüe mit Bsetzer netze.

Am Tschäppu sini Lewinski heisst, dir wüssets, Aline Trede.
Är heigi si am Chnöi berüehrt, ja jetz tuet Trede rede. Dr Stapi sig ä Schmutzfink, äs sig ä Souerei – erogeni Zone göng bi ihre drum
bis abe zu de Chnöi.

Trump trump trumperidi, itz muess d Frise gstylet si. 
Jede Coiffeur juckts i de Fingere, bruchts gar nid, es strählt eimja
vo sälber hingere.

Scho am Pre-election day heissts: Chumm stoss mit üs a. Merksch
grad dass der Alecwott am Alex d Stange ha. Öb de sini Läbere
o sövu mögi bisse, zeigt sech de im Ärnscht­fall ersch bim Wysse.

Trump trump trumperidi. Wenn isch ändlech dä Albtroum verbi. 
Das cha doch gar nümmso lang ga, bis mau eine rüeft: «Versteckti Kamera!»

TSCHÄPPÄT, wo bisch? Dini Häuptlings-Zyt isch itzverbi,
drum trinke mir no es Glesli Wy – uf es Schlafferied,
wes de muess si – u schlafe de g a n z l a n g s a m . . .

Da hets ir Riitschuel plötzlech kracht. Alec my Stapi isch erwacht,
wott als Brügglibouer Brüggli boue. D Ursula seit:
«Mir fählt z Vertroue!

Äs Velobrüggli, da gloub ich dra! Ich fang scho mal mit boue a.»
Doch nach 100 Meter, dir gsehts da, het üses Ursi Pladi gha!

Der Värs übere Trump tüet dir vermisse, dir füehlet euch sogar chli bschisse! Doch mir zwe halte üs drum dra:
So gruusigs Züg längt kene a.

Wo d häreluegsch, äs chönnt eim gruuuse, gsehsch Kunscht am Körperbou, am Underarm under dr Bluse, sogar am Füdeli ou.
Lasch Putin tätowiere – das geit tief under d Hut. Dr türggisch Sultan zwüsche de Niere, dr Trump chli tiefer: Blutt!
Tattoos hei läbeslänglech, die Type si vergänglech.

Grillierti Roupe chläbe im Ameise-Biseli-Glas! Drum wird dr Mönsch
am Änd vom Läbe vegan – u bisst i ds Gras. Hüt gitts vegani
Würscht im Lade, morn choufsch sogar vegani Made!

Ja dr Tschäpätt – mir wette ihm no Merci säge! Für ds Amt vom
Stapi het är viu gäh vo sim Läbe! Het Guets erreicht, mir tüe ihn nie vergässe! Verspräche tüe mir ihm, dr Nöi o a de Fettnäpfli z mässe! 
Ir Länggass giut 30, u es stöhhüfe Poller! Vo de 30er-Tafele
überchunnsch dr Koller! Das brämset d Outo, d Biker zwingts zum überhole! Drum bouet die Velobrügg! Aber mit Stürzahler-Chöle!

U de meinsch, Berlusconi sig ds gröschte ir Sexischtewäut! 
Amerika lehrt üs bessers, dank Polit-Klamauk u viu Gäud! 
Dr Bunga-Silvio tuet zum Brunze no d Hose uf. 
Dr Anger brucht das nid – laht dr Seich zur Schnure us! 
Ig freu mi immer uf ne schöne Fernseh-Abe! . . .
Zur Top-Unterhautig chaschdi amne Bierli labe. 
Doch warum zausch d Billag?Mi Hals wird troche! Ständig wird
d Wärbig vo soblöde Filme unterbroche!

Scho wieder e Poststell zue, u geit nie meh uf. I frage uf der Diräktion de druuf: Säget, wie chunnt my Briefuf Konolfinge? Ganz eifach: d Margge drufu sälber bringe! Nach em Alex hett der Alec itz der Thron bestiege, e Bärn-burger im Erlacherhof, das finde mir gediege. Geits ächt itz echly i d Richtig «Ancien régime»? U gheit villicht der RGM langsam us em Liim?