2020
Die irren Maiden
Ds AKW in Mühlebärg isch fertig u vom Netz, Wie sölls aber witerga, das frage n i mi jetz. I was für eme Notfall für mis blutte Läbe z rette, Friss i itz di huere Jodtablette.
Es Valser trinksch im Bündnerland, Passugger chasch o ha, Es Henniez im Waadtland, es Eptinger im Jura. O ds Bärnbiet bietet itz es Wasser ganz im eigne Stil, Da suffe mr itz Chlorothalonil.
Pfannehouer
Wenn s um d Crypto AG geit: Nüüt gseh, nüüt ghört, nüüt gwüsst, nüüt gseit. «Du Aff!» gilt als Beleidigung, Drei Affe als Verteidigung.
Gas-Latärne
Äs bitzli grüen – Nei! Ganz wit äne! Die chasch nid wähle, s’isch di Linggschti doch, vo däne! D’Konkordanz isch’s doch, wo Rächts druf pochet! We’s aber zum Nachteil isch, wärde Zoubersüppli gchochet!
Die Hinderletschte
Dank Gsichtserkennig ufem Händy Gits Überwachig ohni Ändi. So erkennt jetz d Polizei O die, wo ds Gsicht verlore hei. Für das ir Zuekunft sicher fahrsch, Entriglisch ds Händy mit em Arsch.
LaengoBarde
Sie hocke verchlemmt im Flugzüg nach Kreta, Sie lyde im Flugi nach Rom. Sie gspüre im Äcke dr Blick vo dr Greta, Hei alli scho ds Flugscham-Syndrom. Wi schön wäri ds Schnorchle in Phuket Oder ds Golfe uf schottischem Green. Hätt me nume nid ds Gfüehl, jedes Bier heig es Bouquet: …So ne Duftnote vo Kerosin.
Sie hocke verchlemmt im Flugzüg nach Kreta, Sie lyde im Flugi nach Rom. Sie gspüre im Äcke dr Blick vo dr Greta, Hei alli scho ds Flugscham-Syndrom. Wi schön wäri ds Schnorchle in Phuket Oder ds Golfe uf schottischem Green. Hätt me nume nid ds Gfüehl, jedes Bier heig es Bouquet: …So ne Duftnote vo Kerosin.
Hobelspän
In Zukunft wosch du keinesfalls, Dass der ustrochnet im Tram dr Hals. Denn wed hueschtisch, i möchte’s erwähne, Drohe zwei Wuche Quarantäne.
Gwundernase
Dr Fuchs füeht sech parat Fürne Sitz im Gmeinderat. «Auf Nummer sicher» isch d Parole, u jetze wott är dr SP ä Sitz stibitze. Mir ghöre Fuchs scho jubiliere: «Jetz chani de mi Merz aune Orte parkiere».
Die drei Musketiere
Brexit, Megsit, huiuiui, im Kingdom tuets rumore. Di zwöi hei d Schnoutze voll, das sorgt für Furore wine Moore. Jetz het di Megan bim FC Basel agfragt Äs sig drum so vowäge Si heig Gwunder, s’nähmse Wunder wie Me ohni Titel so chönn läbe?